Geguritan : Udan

UDAN

Dening : Indah Pratiwi Puspitasari

Angin kang semilir ngademake ati

Banyu kang netes nelesi plataran iki

Adem semribit gawe ati iki ayem tentrem

Udan..

Tekamu tak enteni

Panas kang ngrembes ing awak

Panas kang gawe garinge sumber banyu

Panas kang gawe susah

Kabeh kuwi dadi adem amarga tekamu

Udan…

Pancen gawe adem ing ati

Gawe adem ing hawa

Uga gawe tentrem ing jiwa